chali ja rahi Zindagi ,wahi khadi hun abhi bhi
ret phisal rahi hai haathon se,mutthi band hai abhi bhi
sab kuch hokar bhi kyun khalipan hai
sab ho kar bhi kyun akelapan hai
kya vaham hai mera ,ya haqiqat hai
jo bhi hai, mera wajood khatam kare ja rahi hai
aisa nahi ki koshish nahi kar rahi
vaham mitaane ki,
haqiqat badlne ki
wajood banaye rakhne ki
aisa nahi ki koshish nahi kar rahi
himaat banaye rakhne ki
sapno ko sach banane ki
khud ki nazaron mein upar uthne ki
par pata nahi akele kaise hoga,
kya kisi ka haath saath hoga
aisa nahi ki mein akele nahi kar skati hun
bas koi kehde”mein tere saath hun”
phir mein gir gir ke bhi chal sakti hun
kya kisi ke saath ki umeed karna meri kamzori hai
kya kisi se ek choti si khwaish meri galti hai
nahi chahiye kisi se kuch
nahi lena kisi se kuch
bas ek ehsas chahiye, kya yeh mumkin hai
jaane kab tak sapne sanjoy rakhungi
jaane kab tab kudh ko kudhse bachaye rakhungi
bas ek sir par hath rakh do
jaane kab tak tootne se khud ko bajaye rakhungi
soulfullwords 