Monthly Archives: September 2016

ek khayal

Standard

Kehte hai kisiko muqambal zahan nahi milta

Koi to samjhaye us khuda ko,apno ke bina zahan hi nahi hota

Kaise dukh de diya tumne mujhko

Jisme ek pal chain nahi milta

Itni bechaini kaise sahu,tu hi bata

Itne ansu kaise chupaun ,tu hi bata

Kaise neend aaye mujhe ,tu hi bata

In honthon par muskurahat kaise laun,tu hi bata

Tu hi bata,kaise sambhalun khud ko

Jab tere wajood par hi shaq ho gaya

Kaise maanu tujhko

Jab tujh par se yakin hi uth gaya

Hai agar himmat to saamne aa

Bata mujhe yeh kyun kiya

Kaise tune mujhe apno se hi zuda kiya

Bahut ghamand hai tujhe apne vidhaan par

To mujhe jivan kyun diya

Sab kehte hai,jo tu karta hai ache ke liye karta hai

To Isme tune achcha kya kiya

Bas ek baar bata de

Tune aisa kyun kiya…..

Tune aisa kyun kiya…..

.

.

.

.

.

Kaise samjhaun yeh mene kyun kiya

Bahut azeez tha who mujhe

Uski har hansi meim,mein uske saath hansa

Uske har gam mein mein uske saath roya

 

Aaj use meri sabse zyada zarroort thi

Uska saath de kar mene kya galat kiya

Jo hua nahi,use tum nahi jaanti

Uski takleefen kaise sambhalti

Tum phir bhi yahi puchti..

Aisa kyun kiya?

Sach maano ,jo kiya ache ke liye kiya

Tumhe dard zaroor hua,par use mene mukt kar diya

Har nafrat sar ankhon par

Har ilzam sar ankhon par

Tera gusaa sar ankhon par

Bas itni iltaza hai tujhse,muh mat pherna kabhi

Kaise samjhaun tumhe,jo hua kyun hua

Bas yeh yaad rakhna ,tu zahan mein hai meri,

aur Tera saath na chodunga kabhi.

(remembering my uncle who was so lovable,so caring,he was a father figure.in this just trying to justify his untimely demise,but nothing can b justified.may b he is free from all his worries n all…..but left us in pain which is hard to subside .Mausaji(uncle) we all love u n we surely gonna miss u each n everyday of our lives.)

Advertisements